Escursion

[ Ativitât ]

O duar cu lis paveis

Une “gnot al museu” dute speciâl. Prime dal scûr, o larìn intai prâts par scuvierzi e par cognossisi, par cjatâ i animâi dal bosc, par scoltâ storiis di no crodi, contadis di personaçs stranis che a vivin in chestis campagnis. Po dopo, o jentrarìn intes sidreris, par lâ indevant a zuiâ cu la nature. Infin, ducj intai sacs a pêl.
[ Attività scuola ]

Il mont intun flum

Un flum nol è dome aghe, ma al è ancje un ecosisteme complès siôr di biodiversitât animâl e vegjetâl. Un flum al cree e cualchi volte al distrûç il paisaç ator di se midiant de erosion, dal traspuart, de deposizion, des esondazions. Un flum al separe e al unìs int e citâts. O scuvierzarìn ce che la aghe e puarte cun se: lis consecuencis, i vantaçs, i problemis dâts dal cori indurant a val.
[ Attività scuola ]

Il segret dal lât pierdût

Sêso pronts a viazâ tal timp? Intant di cheste escursion al lât Minisini o passarìn in rassegne la storie gjeologjiche de plane furlane, o podarìn schiâ sul glaçâr Tilaventin o nadâ tal lât grandonon de plane tra Glemone e Osôf. O larìn daûr des caravanis che a passavin fûr pe plane e o sarìn i soldâts che a vivevin tal fuart di Monte Ercole. O cirarìn di capî lis maraveis naturâls di cheste aree protete e cemût che l’om al pues gjestîle par difindile.
[ Attività scuola ]

Oms e lâts

L’om e la nature si influencin un cul altri. Cjaminant ator dal lât, o cirarìn di discuvierzi i indizis dai cambiaments tal paisaç realizâts dal om e la grandiose opare de nature sul nestri teritori. O impararìn curiositâts sui animâi che a vivin il lât, o scuvierzarìn plantis che a nassin spontaniis e altris esotichis che a son rivadis di paîs lontans.
[ Attività scuola ]

Storiis di aghe

Cuale saghe milenarie puedial contânus un clap cjapât sù su la spuinde dal flum? Ce storiis emozionantis puedial disvelânus un vencjâr? Cjaminant insiemi dilunc l’ôr dal Tiliment, si fasarìn contâ dal “Re dai flums alpins” la sô lungje storie, fate di animâi che li a bevin e a nadin, di plantis dislidrisadis e puartadis a val, di crets fruçonâts e di glaçs domâts planc a planc... di oms che lu cjalin cori, de rive.