Scuele / info

Scuola / info

La educazion ambientâl e jude a costruî une societât sostignibile midiant de formazion de citadinance e de promozion di compuartaments cussients. E facilite la creazion di un rapuart empatic tra lis personis e l'ambient. E jude i singui e i grups a ricostruî un sens di identitât e a tornâ a imparonâsi des propriis lidrîs. Al è un strument par disvilupâ il sens di responsabilitât pe “robe publiche” e par slargjâ la culture de partecipazion, creant un rapuart afetîf tra lis personis, la comunitât e il teritori. La educazion ambientâl e prepare i fantaçuts ae vite, ma e cjape dentri ancje dutis lis gjenerazions, su la fonde dal principi che ognidune e à alc di imparâ di chês altris.

proposte didattiche

Catalic des propuestis didatichis pal an scolastic 2016-2017
de Cjase des Paveis di Bordan

Dentri dal catalic pal an scolastic 2015-2016, la Cjase des Paveis e propon a fruts, students e adults ancje trê laboratoris in lenghe furlane:

  • Un planet di paveis. Il zîr dal mont intune ore o pôc di plui
  • La vite straordenarie di Rosa e Emilio
  • Oms e lâts. Il lât di Cjavaç e la vite dulintor

scuoleLis visitis pes scuelis

  • Pes scuelis al è simpri il biliet ridot.
  • Ogni grup (di 15 a 25 scuelârs) al à une vuide a gratis e la jentrade gratuite par un insegnant.
  • Lis visitis des scuelis si fasin dome su prenotazion.

etàFasse di etât

  • Lis propuestis didatichis de Cjase des Paveis a son indicadis par scuelis di grât diferent, de scuele primarie fin ae scuele secondarie di secont grât. Fevelint pûr cui nestris operadôrs, al telefon, parcè che une vore des ativitâts a puedin jessi taradis pes diviersis fassis di etât, o integradis cun laboratoris e ativitâts pratichis specifichis.
  • Dai 3 ai 18 agns, frutis e fruts, fantaçutis e fantaçuts a son i benvignûts te Cjase des Paveis, parcè che a son il public che o vin plui a cûr.

DisabilitâtDisabilitât

Tal câs di disabilitâts, e pues jessi concuardade cui nestris operadôrs cualchi ativitât specifiche (cualchidune des nestris ativitâts e pues jessi proponude ancje a personis cun diviers gjenars di disabilitât ma al covente capî ben la tipologjie di disabilitât, la gravitât di chê, la omogjeneitât dai components dal grup, e vie indenant).

GustâGustâ

  • O vin grancj spazis a sotet fûr de Cjase des Paveis, furnîts di taulis e di bancjis, pe soste o pal gustâ al sac.
  • Al è ancje pussibil prenotâ il gustâ preparât dal personâl dal chiosc. O podarês mangjâ di un past cjalt a un sempliç panin e bibite. Domandait informazions ai operadôrs, se us pues interessâ.

PrenotazionsPrenotazions

  • Clame il numar 0432 1636175 o 344 2345406 o pûr scrivi ae email didattica@bordanofarfalle.it. I nestris operadôrs ti judaran cun dutis lis spiegazions che ti coventin.
  • Une volte fissade une date pe tô visite, tu varâs di compilâ il modul che ti mandarìn o che tu cjatarâs sul sît web, e mandânusal vie fax o vie email di mût di confermâle.
  • Il paiament al podarà jessi fat in contants te zornade de visite, o pûr cuntun bonific bancjari anticipât.

downloadDiscjamâ

Catalic propueste didatiche  
Modul di conferme prenotazion