Archîv ativitât

Un fin di setemane te aghe

De proiezion dal documentari “I custodi dell’acqua”, in compagnie dal regjist Giulio Squarci, o partirìn par cirî di capî ce che al vûl dî “aghe” vuê, ce che e sedi la aghe e ce fânt, su dut il planet e sul nestri teritori. Laboratoris, conferencis, e tant altri.

Cene multisensoriâl

Une cene cetant diferente, in ocasion di “Cerce la foreste”. Passant ancje par ducj chei altris sens: si movisi, si nase, si scolte, si tocje. E infin, o larìn a mangjâ intal scûr, vuidâts di personis vuarbis, che tal scûr a deventin lis unichis a “viodi”.

Fotonature

Laboratori di macrofotografie, par cjapâ i detais plui spetacolârs de nature, vierzint il barcon suntun mont inspietât. Il cors si articolarà in dôs parts, une teoriche e une pratiche, e al sarà tignût dal dotôr Francesco Barbieri, biolic e fotograf professionist.

Pe Afriche

Une zornade di passâ tal viert, cun mangjâs, musiche e colôrs dal Sud dal continent African, par supuartâ i progjets di cooperazion puartâts indenant de associazion udinese cence fins di vuadagn.

O duar cu lis paveis

Une “gnot al museu” dute speciâl. Prime dal scûr, o larìn intai prâts par scuvierzi e par cognossisi, par cjatâ i animâi dal bosc, par scoltâ storiis di no crodi, contadis di personaçs stranis che a vivin in chestis campagnis. Po dopo, o jentrarìn intes sidreris, par lâ indevant a zuiâ cu la nature. Infin, ducj intai sacs a pêl.

La gnot des paveis

Intes forestis tropicâls, vie pe gnot, a rivin lis sorpresis: animâi insolits, sunôrs misteriôs, odôrs singolârs. Cu la torce e une vuide, intes sidreris, par esplorâ intal scûr: cualchi sgrisul e tantis scuviertis. Po dopo, difûr, si fermarìn a cjalâ e a scoltâ storiis di insets autoctons, cun biolics e entomolics.